Balla përgëzon Interpol Tiranën për ekstradimin nga Franca të një personi të kërkuar për disa vepra penale

14:27 | 6 Janar 2024
E.G

Ministri i Punëve të Brendshme të Shqipërisë, Taulant Balla ka përgëzuar Interpol Tiranën për ekstradimin nga Franca të një personi për veprat penale “Trafikimi i narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Me anë të një postimi në Facebook, Balla është shprehur se po punohet çdo ditë për gjetjen e personave në kërkim nga drejtësia, shkruan Arbresh.info.

“Po punojmë çdo ditë, me intensitet, me Interpol për gjetjen e personave në kërkim nga drejtësia, për t’i dhënë fund pandëshkueshmërisë ndaj personave që fshihen në vende të tjera.”, shtoi ai.

“Në grackën e policisë ka rënë edhe një person tjetër në kërkim ndërkombëtar, i cili u ndalua gjatë natës në Bari, Itali, i dënuar në Shqipëri me 30 vite burgim.”, përfundoi ministri Balla./Arbresh.info/